"Zindgi - The undefined magic of GOD"

              "Zindgi - The undefined magic of GOD"


Koi kehta hai pyar hai, koi kehta hai takraar hai.
Koi kehta hai khushiyo ka ambaar hai.
Toh kisi ke liye bus dukho ki bahaar hai Zindgi.

Agar socho toh bachhpan me Maa ka pyar hai Zindgi,
Agar mehsus kar toh jawani ka haar hai Zindgi.
Umar dhalne par apno ka dulaar hai Zindgi.
Aur dafnane ke baad, Yaadon ka bacha hua sansaar hai Zindgi.

Jisne pa liya hai dil mein basa pyar,
Uske liye khushiyon ka paigaam hai Zindgi.
Aur jise na mila apne man ka meet,

Uske liye Tanhaai ki shaam hai Zindgi.
Jo dooba hai tanha aashkon mein,
Uske liye ashkon ki barsaat hai Zindgi.

Aur jo bhatak raha hai akela apne sansaar mein,
Uske liye sanaate ki ek aur raat hai Zindgi.

Jinhone haar maan li hai musibaton se,
Unke liye ek bhaar hai Zindgi.
Aur jinhone ladna sikh liya hai musibaton se,
Unke liye safaltao ki bahaar hai Zindgi.

Par bhala koi lafzon me baandh paaya hai Zindgi ko,
Ye toh bus apna-apna andaaz hai isey bahan karne ka.
Har pal mein Pyar hai, har pal mein Khushi

Kho do to yaadein hai, Jee lo to Zindagi...